Azərbaycanda beynəlxalq xətlə ilk halal biznes maliyyləşdirməsi

<p>Aparılan araşdırmalara görə bizneslərin ən birinci problemi <strong>maliyyyə mənbələrinə çıxışdır</strong>. Bir biznesin formalaşıb inkişaf etməsi və bu inkişafın davamlı hal ala bilməsi ilkin olaraq maliyyə imkanlarından asılıdır. Bu problemi bir az daha spesfikləşdirəsi olsaq bizneslərin ehtiyac duyduqları <strong>maliyyəni halal yolla cəlb etmək </strong>istəməsi bəlkə də ən böyük problem olaraq qarşımıza çıxacaqdır.</p><p>İslam Əməkdaşlıq Təşkilatının Özəl Sektorun İnkişafı Korporasiyası (Islamic Corporation for the Development of the Private Sector - ICD) Azərbaycan üçün <strong>halal maliyyə şərtlərinə uyğun bir neçə milyon dollar vəsait </strong>ayırıb. ICD bu maliyyə vəsaitini Azərbayanda mövcud olan ənənəvi faizli banklar vasitəsiylə sahibkarlara çatdırır. Belə ki, Azərbaycanın yerli bankları ICD-nin verdiyi <strong>vəkalət haqqı</strong> ilə yerli bizneslər üçün <strong>murabaha</strong> əməliyyatını icra edir. Başqa sözlə bank ICD-nin pulu ilə biznesə lazım olan malı alaraq vədəli şəkildə ona satır. Qeyd edək ki, bu məhsul digər ənənəvi faizli kredit məhsulu ilə müqayisədə daha baha başa gəlir. Lakin <strong>halal fəaliyyət göstərməyə çalışan bizneslər </strong>üçün başqa halal maliyyə cəlb etmə imkanları olmadığı üçün onlar bu addımı atmaq məcburiyyətində qalırlar.</p><h5>Bu çərçivədə 19 dekabr 2024-cü il tarixində Azərbaycanın yerli ənənəvi faizli bir bankı, ICD xətti ilə verilən ilk kredit müqaviləsini <strong>Alizadeh MMC ilə</strong> imzalayıb. Bu mühüm addım, həm Azərbaycanda kiçik və orta bizneslərin (KOB) halal yolla maliyyələşdirmə ehtiyaclarını qarşılamaq, həm də İslam qaydalarına uyğun maliyyə həllərinin inkişafına dəstək olmaq məqsədini daşıyır.</h5><p>Mövzu ilə bağlı ətraflı məlumat almaq üçün İctimai TV tərəfindən hazırlanmış <a href="https://www.youtube.com/watch?v=Dv5kmWD4f9I">sujeti</a> izləyə bilərsiniz.</p><p>Bu kredit müqaviləsinin İslam Korporasiyasının (ICD) Azərbaycandakı maliyyə xidmətləri bazarını genişləndirəcəyinə inanırıq.</p><p>Qeyd edək ki, <strong>Alizadeh MMC Azərbaycanda bu innovativ Halal maliyyə həllini həyata keçirən ilk şirkət oldu.</strong> Şirkətin direktoru Kazım Mustafazadə imzalanan bu müqavilənin onların ticarət fəaliyyətlərini və mövqelərini gücləndirəcəyini da bildirib. Eyni zamanda o vurğulayıb ki, bu imkan yalnız bizim üçün deyil, həm də ölkə iqtisadiyyatının inkişafı üçün çox əhəmiyyət daşıyır.</p><p>Onu da bildirək ki, Azərbaycanda polad istehsalı ilə məşğul olan <strong>Alizadeh MMC </strong>bir neçə halallıq qaydalarına cavab verdiyi üçün Halal Ekosistem platformasına <a href="https://halalekosistem.com/suggested-merchants/m/60">əlavə edilmişdir</a>.</p>