"Coca-Cola"da zərərli məhlul tapıldı, Avropadan məhsullarını geri çağırır

<p>"<strong>The Coca-Cola Company</strong>" qida nəhənginin törəmə şirkəti olan "Coca-Cola Europacific Partners Belgium" <strong>xloratların yüksək tərkibinə görə</strong> məhsullarını Belçika, Böyük Britaniya, Lüksemburq, Niderland, Fransa və Almaniya <strong>bazarlarından kütləvi şəkildə geri çağırdığını </strong>elan edib.</p><p><a href="https://report.az/diger-olkeler/coca-cola-avropada-xloratlarin-yuksek-terkibine-gore-mehsullarini-geri-cagirir/">"Report"</a>un məlumatına görə, bu barədə "Agence France-Presse"ə şirkətdən bildirilib.</p><p>"Dəqiq rəqəmlər yoxdur, lakin söhbətin <strong>əhəmiyyətli miqdarda məhsuldan </strong>getdiyi aydındır", - "Coca-Cola Europacific Partners Belgium" nümayəndələri qeyd ediblər.</p><p>Onların məlumatına görə, tədbirlər 2024-cü ilin noyabr ayının sonundan dövriyyədə olan <strong>"Coca-Cola", "Sprite", "Fanta", "Fuze Tea", "Minute Maid", "Nalu", "Royal Bliss" və "Tropico" </strong>markalarının qutularda və şüşələrdə olan məhsullarına aiddir. Şirkət bildirib ki, problem Gentdə istehsal tələblərinə uyğunluq üzrə <strong>içkilərin keyfiyyətinin yoxlanılması zamanı </strong>aşkar edilib.</p><p>Agentlik qeyd edir ki, standartlara uyğun olmayan məhsulların böyük hissəsi artıq dövriyyədən çıxarılıb və ya bazarlara buraxılmayıb, qalan partiyanın geri çağırılması üzərində şirkət göstərilən ölkələrin hakimiyyət orqanları ilə işləyir.</p><p>Britaniya Milli Səhiyyə Xidmətinin (NHS) dietoloqu Karon Qrazett BBC-yə bildirib: </p><blockquote><p>"Biz düşünməliyik ki, atəşfəşanlıq və dezinfeksiyaedici vasitələrin istehsalında istifadə olunan kimyəvi maddələri alkoqolsuz içkilərdə qəbul etmək istəyirik ya yox, miqdarı nə qədər az olsa belə".</p></blockquote><p>Ekspert son araşdırmalara istinad edərək bildirib ki, xlorat tərkibli qidaların qəbulu ürəkbulanma, qusma, diareya və qanın oksigeni mənimsəmə qabiliyyətinin məhdudlaşmasına səbəb ola bilər.</p>