Halal Marketinq Manifesti - Nəsihət

<p>İslamda marketinq – müştərini tora salmaq yox, ona doğru qərar verməkdə kömək etməkdir, bir sözlə - Nəsihətdir.</p><p>Biz inanırıq ki<br>- ticarət sadəcə mal satmaq deyil, həm də insana xidmət və Allaha ibadət formasıdır. <br>- insanların ehtiyacları olan mal və xidmətlərin ticarəti ictimai bir vəzifədir (fərzi-kifayə). <br>- bazar qiymətinə insanların ehtiyacı olan malları gətirib satan sədəqə savabı qazanır. </p><p>Biz aşağıdakı prinsipləri qəbul edir və əməl edirik:</p><p><strong>1. Dürüstlük (Sidq) – Yalan Danışmarıq</strong><br>- Biz məhsulumuzu satmaq üçün olmayan xüsusiyyətləri varmış kimi göstərmirik.<br>- "Endirim" adı altında qiymətləri əvvəlcədən şişirdib, sonra endirmirik.<br>- Anbarda mal olduğu halda, müştərini tələsdirib iradəsini əlindən almaq üçün "son 1 ədəd qaldı" yalanını söyləmirik.<br>- Etibar qazanmaq üçün müştəri sayımızı real olandan çox göstərmirik<br>Şüarımız: "Olduğu kimi görün, göründüyü kimi ol."</p><p><strong>2. Şəffaflıq (Bəyan) – Qüsuru Gizlətmərik</strong><br>- Biz "Tədlis"dən (eybi gizlətmək) uzağıq. Malımızın bir qüsuru varsa, satarkən onu müştəriyə açıq şəkildə bildiririk.<br>- Müştərinin bilgisizliyindən istifadə edərək ona keyfiyyətsiz malı keyfiyyətli kimi sırımağı (ğişş) xəyanət hesab edirik.<br>- Uzun və çətin müqavilə formalarından, incə şriftlərlə yazılmış gizli şərtlər taktikasından istifadə etmirik.</p><p><strong>3. İradəyə Hörmət (İxtiyar) – Manipulyasiya Etmirik</strong><br>- Biz neyromarketinq və psixologiyadan insanları aldatmaq üçün yox, onlara daha yaxşı xidmət etmək üçün istifadə edirik.<br>- Müştərini utandıraraq, psixoloji təzyiq edərək (məsələn, hədiyyə verib borclu hiss etdirərək) "yox" deyə bilməyəcəyi vəziyyətə salmırıq.<br>- Alış-verişin əsası "könül xoşluğu"dur (razılıq), məcburiyyət deyil.</p><p><strong>4. Məsuliyyət – İsrafa Təşviq Etmərik</strong><br>- Biz insanların zəif tərəflərindən istifadə edərək onlara ehtiyacları olmayan malları satıb israfa sürükləmirik.<br>- Bizim məqsədimiz süni istəklər yaratmaq deyil, real ehtiyacları ən faydalı və səmərli şəkildə qarşılamaqdır.<br>- Zərərli, cəmiyyətin əxlaqını və sağlamlığını pozan məhsulların reklamını etmirik.</p><p><strong>5. Rəqabət Əxlaqı – Başqasını Qaralamarıq</strong><br>- Öz malımızı tərifləyərkən rəqiblərimizi pisləmirik, onlara böhtan atmırıq.<br>- Ruzini verənin Allah olduğuna inanır, rəqibimizi düşmən yox, bazarın bir parçası kimi görürük.</p>